DPD大牌檔 (已結業)

抗疫期間都好少外出用膳， 不過因為這家餐廳開在家附近， 而且打著我其中一家至愛中菜明閣主廚主理， 所以就點都要試下。不過早餐係試唔到廚藝， 只能先感受下環境同氣氛。餐廳環境舒適， 有啲似酒店café lounge。早餐menu都有好幾款選擇， 其中港式早餐價錢同一般茶餐廳相若，有啲意外，不過有加一服務費 。餐廳服務一流， 店員都非常有禮貌。我選了港式早餐， 沙爹牛肉米粉，配 炒蛋多士。另外我加了20蚊改點cappuccino。炒蛋都好滑好有蛋香， 牛油多士牛油都是滿滿的。沙爹牛肉好入味肉質唔錯， 係簡單清爽嘅味道。cappuccino用嘅係Kimbo意大利豆，就算甘香，驚喜嘅係有拉花。