Coffever (已結業)

雖然近排銅鑼灣有好多事發生，不過呢由於地點方便所以同朋友聚會都會揀呢度。我又唔太鍾意太嘈嘅地方，所以就去咗呢一間咖啡熱cafe ，位於寶眀大廈3樓，距離地鐵站都係5分鐘啫。一入到去我覺得個環境我好鍾意，全部都係以木做裝飾，感覺好舒服。飲品方面職員極力推介佢哋嘅手沖咖啡，由於我本身唔係太鍾意飲咖啡佢都怕我覺得有啲苦同酸，佢好咁貼心咁樣幫我安排酒味重啲嘅手沖咖啡。咁落去真係飲得出淡淡的酒味，我就覺得好特別啦。仲要越飲越香除咗有咖啡苦苦地嘅香之外仲有酒味湧出來。另一個好推介嘅係佢哋羊鞍配米形粉，佢哋嘅羊革安煮得啱啱好唔會過老。醬汁都跳得唔錯配埋非常之有咬口嘅米形份一個唔錯嘅搭配。