魂 (已結業)

今日約左朋友係太子酒吧街果頭飲野，諗住早到食啲野食先，經過見到開左間食拉麵既，望落幾吸引，試一試佢。可能時間尚早，不用等位即時被安排入坐。天口熱冷氣夠，真係非常舒服。拉麵款式雖然不多選擇，但令我感到咁樣反而仲專業！貴精不貴多麻。我地一行二人分別點左魂拉同青龍拉麵，分別係原味豚骨湯同波菜豚骨湯，再泥多個烤日本味淋魚干！好快熱辣辣上枱，賣相幾好而且湯夠熱，麵條係粗身我地都要左適中硬度，岩岩好，叉燒肥瘦適中又大塊，入口即溶。好有日本時食既風味！湯底濃而不油。好岩我胃口。波菜湯底幾特別但又無搶左豚骨湯味。十分配合！小吃要左燒魚干，好好食，燒到半軟狀又咬口。食到停不了。想叫多份食添😂😂總括泥講，很不錯的拉麵，適合我既喜愛，可能我鐘意食拉麵啦。麵質都係我鐘意既類型。下次再食先！