天慶 (已結業)

今晚同男朋友食飯，去左一間日系酒吧，環境好暗黑好有氣氛！座位非常寬敞舒適，食飯地方好有風格呀！我地叫左一個沙律，酸甜醋汁非常香口，清新味道更加開胃，加上木魚，入口帶點咸香！炸雞非常香脆，完全唔油膩，加上沙律醬和鹽調味，更加愈食愈香口！燒魚茶漬飯，魚皮燒到極香脆，魚肉入口竟然非常香滑，加上茶，飯粒更是香口。燒五花腩是男朋友最愛，肉質入口香口清甜，唔乾身好鬆軟，包上生菜和炸雲呑皮，沾上醬汁，非常滋味，食幾件都唔會油膩！燒銀鱈魚是我最愛，魚肉香滑香口，入口軟綿綿，魚香極重！最後加叫左一個神戶牛烏冬，牛肉味道極是濃郁，中間粉嫩，入口好香嫩！男朋友都大讚餐廳水準高！我地會再黎架！