十兄弟車仔麵 (已結業)

前排聽朋友介紹開呢間十兄弟車仔麵，我都琴日去左試，同男朋友去一人叫左一碗車仔麵食，果然朋友冇介紹錯！❤️香脆豬元帥 $68鍾意食豬肉既我就叫左呢個香脆豬元帥黎食，黎到見到d配料咁滿真係嚇左嚇🤣配料多到見唔到d麵，5款豬配料有泰式炸豬皮，香炸豬頸肉，台山豬腩肉，滷水豬大腸，福建豬肉丸，我最鍾意係個炸豬皮！炸得超脆！配埋個湯黎食真係好正！❤️最豪十兄弟 $88而男朋友就叫左配最豪十兄弟，呢十兄弟分別係紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷，淨係睇個list已經知呢碗麵有幾豪🤣特別想講下個台灣腸，平時車仔麵好少見有台灣腸，所以我都攞左條呢食，咬落好彈口，有肉汁，配埋蜜汁甜甜地幾好食👍