京都勝牛 (Tower 535) (已結業)

自從喺一個下雨天 喺大阪食過排隊吉列牛排套餐後一直念念不忘尋晚終於的起心肝 排咗半個鐘頭隊朝聖 雖然有頗多「唔完美」 但仍然「好滿足」 厚切菲力炸牛排套餐 HK$208價錢看似不便宜，但實在抵食。套餐除了有大大塊吉列厚切菲力牛排，仲有珍珠飯、麵豉湯、三色漬物、椰菜絲以及九款調味配搭，十分豐富。 厚切牛排相當出色，放在鐵板上烘至七八成熟味道最佳，外表酥脆、內裏軟滑，牛味濃。椰菜絲十分十分清甜爽口，鍾意菜嘅朋友可無限添加。調味與牛排配搭起上來各有特色（見圖），漬物更是本人至愛。 京都豚牛雙味套餐＋蔥花蘿蔔蓉 HK$193吉列豬排勁出色，個外皮脆到難以形容，配搭傳統炸豬排汁，同XX殿有得揮！呢款係翼板牛，相對細塊同薄好多，而且牛味冇咁濃，鍾意食牛嘅朋友我會推介厚切菲力。 蔥花蘿蔔蓉爽口酸甜，撈炸物食正到不得了。 PS 店家備有以小蠟燭熱住嘅鐵板予客人 個人喜好烘熟牛排，可惜該發熱鐵板「壽命」較短，建議大家每次都烘至少四塊牛排，才能趕及在小蠟燭熄滅前完成烘熟動作。