泰Cow

營業中

休息中

午餐時間係附近農場做完野, 試下新野!整體食物質素不錯, 但一開始既情況令我覺得好奇怪。到達時明明餐廳只有一半枱有客, 空枱亦冇留座既標示, 但收銀台職員卻叫我地無BOOK枱要旁邊等一等!!???好彩即刻有位女士安排我地兩個人坐一張大圓枱。然而, 到我地食完, 大部份既枱都未有坐人, 我地既大圓枱亦無人搭枱!海南雞飯雞雖肉質唔係好嫩滑個種, 但係每件都大大件啖啖肉, 雞醬酸酸辣辣, 好開胃。飯量有點散, 份量非常多,但雖然好餓, 但最後都係食剩少少。跟餐仲會有一碗雜菜湯。香葉辣肉碎煎蛋飯份量一樣係好多好多, 辣肉碎一大堆, 炒得乾身有鑊氣, 有泰味, 都幾辣。馬拉盞炒通菜好食, 馬拉盞鹹香風味足夠, 又係大大碟。總括而言，食物味道不錯，亦大碟抵食。