水瓶座咖啡店 (已結業)

同一班舊同學gathering,喺網上搵左好多資料,以及朋友推介,因此選擇左呢間cafe。首先，因為我係搞手，會以朋友０既感覺為依歸，但佢地都一致都話果度０既環境及食物好ＯＫ，所以我都覺得好高興。食物份量都足够，尤其係啲意粉，好似辣肉丸茄汁意粉（類似咁上下名）等。不過，Ｐｉｚｚａ０既ｓｉｚｅ真係好細，似乎有少少唔抵食。唯一覺得欠缺就係一啲軟件措施。因為我係上網搵資料先至得知有呢間ｃａｆｅ，因此都去過佢地個網頁，瞭解有啲咩食物同優惠。但去到之後，問啲侍應點做會員，佢地話要交三十蚊會員費，同網上講０既十蚊唔同；之後又問佢地係唔係做左會員之後免收加一，但果位待應就話唔係，都係要加一不過有番九折。同佢地網上講免加一又唔同。我諗係因為佢地個網頁未能ｕｐｇｒａｄｅ到，所以果日都有點兒失望。總括來說，佢地啲食物ＯＫ，環境同侍應０既服務都幾好，我諗我都會ｋｅｅｐ住幫襯，我０既意見係希望佢地注重硬件服務之餘，都要顧及到軟件服務。