翡翠拉麵小籠包 (已結業)

6時多就去食，當然唔駛等位，不過食到近八時都唔滿，唔知係咪地點問題，所以少啲人呢？叫咗小籠包。之前係沙田那間食過，沒有好感，所以沒有期望，但結果又做得幾好喎，阿媽話好食過金滿庭添。我最欣賞清炖牛肉湯拉面，湯同面分開上，個湯味道一流，牛肉又焾，仲有桂圓。下次我一定會試清炖雞湯拉面，睇吓係咪一樣咁出色。魚頭湯、京燒蝦球、松子魚都ok，正賞水準。不過湯就嫌少，唔知係未本身只係4人份量，我們一行7人，每人飲得少少。不過有失望位，就係甜品了。酒釀丸子我一向唔鐘意，所以唔comment。但係叫個拔絲香蕉，要成半個鐘！侍應又唔講，早知就早啲order 啦。拔絲香蕉我鐘意自己玩那隻，點知呢度係完全整好，一粒一粒咁上，冇糖自已點，一啲「拔絲」feel 都冇。味道也一般。