影片
更多
2009-12-15
10 瀏覽
從open rice及其他雜誌報道得知旺角有間專賣cup cake的店舖多時，而且見過不少讚好的食評加上食家們精心拍攝的相片，一直好想前往。星期日因男友係旺角有事一辦，終於有機會一試其招牌爆炸朱古力cup cake，係＄16兩個的promotion之下，一向心多多的我，多買了一個忌廉芝士生薑味。舖頭裝修別緻，柔和的燈光配合以木做主調的裝修，係旺角咩都要夠loud，夠搶黎講，己經俾人一種舒服的感覺。而且cup cake係一種好西化，好美式的甜食，一般用上大量（係大量）牛油和 icing sugar製造，中國人包括香港人一定會覺得過甜。所以我好欣賞背後老板的勇氣，夠膽係旺角開一間專賣cup cake的地舖，以佢的策略亦非常正確，以平價取勝，經過一番的報導後很快就打出名堂薄有名氣啦。由於店鋪較細，只好外賣並放係男友的車上辦完事後再食，所以食的時候已經擺放了大概兩個小時，所以我接受食落面層的忌廉有少少溶，不過甜味ok，而且佢的cake size比傳統的細，食少少我又唔覺得太甜，如果其他朋友真係唔「好」食甜品可以選擇一D帶酸的口味例如紅莓或檸檬等等。試過之後仲係覺得好甜的話，我諗應該係cup c
星期日因男友係旺角有事一辦，終於有機會一試其招牌爆炸朱古力cup cake，係＄16兩個的promotion之下，一向心多多的我，多買了一個忌廉芝士生薑味。
舖頭裝修別緻，柔和的燈光配合以木做主調的裝修，係旺角咩都要夠loud，夠搶黎講，己經俾人一種舒服的感覺。而且cup cake係一種好西化，好美式的甜食，一般用上大量（係大量）牛油和 icing sugar製造，中國人包括香港人一定會覺得過甜。所以我好欣賞背後老板的勇氣，夠膽係旺角開一間專賣cup cake的地舖，以佢的策略亦非常正確，以平價取勝，經過一番的報導後很快就打出名堂薄有名氣啦。
由於店鋪較細，只好外賣並放係男友的車上辦完事後再食，所以食的時候已經擺放了大概兩個小時，所以我接受食落面層的忌廉有少少溶，不過甜味ok，而且佢的cake size比傳統的細，食少少我又唔覺得太甜，如果其他朋友真係唔「好」食甜品可以選擇一D帶酸的口味例如紅莓或檸檬等等。試過之後仲係覺得好甜的話，我諗應該係cup cake唔係你杯茶而唔係人地整得唔好食。
我覺得我買的兩個口味都唔錯，爆炸朱古力最值得推介，爆炸糖係口內爆放的感覺得意之如仲帶點童年回憶，其實食cup cake除左鍾意食甜之外，一般都會被其繽紛可愛的造型吸引，就係呢種創意同心思豈不是跟cup cake的精神同出一徹嗎～
蛋糕本身的質感亦不錯，實正又唔會太軟，我唔會話佢係全香港最好食的cup cake（因為根本就無呢會事，每個人的口味都不同），但係可以感受到創辦人背後的心思同誠意，加油呀。
張貼