JK Brother’s (已結業)

$88再加一 ，就可以由下午一時至三時，食足120分鐘。 地方唔算大，不過都坐得舒服。這餐廳有別於一般火鍋店， 因為他不是用電爐，是使用gas爐,還要是細的gas爐。食物方面除咗美國穀飼肥牛，要同待應講之外。 其他食物包括屬熟食，飲品，冷盤和甜品都是自取的。 但由於火鍋配料只是放在一個企兩個人就會冇位的高身凍櫃， 所以一開始的時候，真係要排曬隊先拿到火鍋配料。 火鍋食材方面都係一般大路嘢冇咩特別。熟食方面，啲炸嘢都算香脆。飲品大約都有8，9款選擇。 甜品我都見到有兩款但我冇食到。 我只食咗兩款唔同味道的雪糕，個人來說鍾意食蜜瓜味多啲，因為有好香濃的密瓜味。總括來說 :食物唔係好多選擇，但性價比超高，因為可以坐足一百二十分鐘。