錦麗 (已結業)

食住食 Pho 熱潮，久聞大名，終於喺下午茶時段，唔駛排隊去試一下。生熟牛肉 河+ 熱飲 = $45， 今時今日算有良心。先說河粉，迷你版不大，但下午茶足夠，係幾好食，幾塊熟牛肉夠軟身，生牛肉一片都OK，河粉夠滑，湯底夠甜，唔覺有味精，加埋芽菜調料（不過唔係任落），係有d 越南風味。點咗熱薏米水，做得有heart，薏米足，加咗蜜棗（阿姐提醒先知道有，因為曾經有食客見到唔知係咩而大叫😳），甜甜咁去濕。總體感覺不錯，絕對可以再幫襯。