別府駅前料理 (已結業)

與朋友食晩飯，先前見到咁多喊面既食評，都有驚係咪咁差，但係想搵間坐得舒服d、耐d既地方聚聚舊，都入左去博一博，一入坐待應有帶位並奉上熱茶，當晚散叫左以下食物：1.三品剌身(三文魚、吞拿魚、甜蝦)，剌身很新鮮，2.一品Pizza揀左茄汁味，個批上枱仲熱辣辣，批身好脆，味道都幾好，3.木魚厚燒餅整得都唔錯，4.鍚紙芝士焗雜茹，係用金茹加鮮冬茹上面放左一層芝士用鍚紙黎焗，芝士味唔係太夠，5.鐵板蒜片墨魚咀，呢款小食幾特別，一粒粒細小既墨魚咀用蒜片爆香，食落幾香口，待應當晚都有不斷為我們添茶，晚飯時段店內都幾full，待應人手都足夠，唔會有叫極都無人應既情況出現，可能呢間餐廳都改善左先前既不足之處。