娜娜甜品小食 (已結業)

夜晚十一點半，附近已經冇乜鋪頭開，想食宵夜又唔知去邊好，就黎到呢間小店食甜品。其實黎過呢度都不下20次，不過我覺得近來啲食物質素每況愈下。雖然乜乜冰個啲確實一般，但中式甜品如馬蹄露，腐竹糖水其實唔錯，不過今次馬蹄露咁岩賣曬，冇凍既，咁我唯有嗌其他甜品啦。今日嗌左個綠野仙蹤，入面有齊沙冰，紅豆，小丸子，椰汁糕同雪糕。因為外賣，拎到返去都變左一攤野，就唔影相啦。味道好一般，我諗堂食會好食啲既。仲有嗌左火龍果牛奶，男朋友話味道好奇怪，但我覺得都ok，牛奶味幾濃，火龍果原先都無乜味，所以火龍果味道薄弱都係一件幾正常既事🤣我自己就覺得味道正常，唔會太甜。不過店員全程黑面，十問九唔應，又好惡咁話自己員工，感覺唔太友善啊。