濟州燒肉食堂

住在九龍區九龍灣係最近的分店，但一直以來都係去北角分店食。昨天同媽咪第一次去九龍灣分店覺得頗為失望😴雖然佢啲服務態度好過北角，佢哋會主動問要唔要加泡菜👍但係食物選擇就比北角差，可能喺工業區所以主要得lunch set。
打開個menu北角有嘅嘢佢冇，想叫食開嘅蟹膏蟹肉石頭鍋飯~冇，加58蚊換嘅炸雞~冇， 芝士紫菜飯卷都係冇😭
叫咗一客鰻魚石頭鍋飯畀媽咪、一份燒肉同一個海鮮煎餅。喺北角每次都會叫燒肉佢哋會畀一份生菜、配菜同埋一碗飯，但九龍灣係冇生菜的，泡菜可以任點但爭我碗白飯竟然要自己出聲先至話嚟緊？😑
之前都有比北角分店寫食評，有附上食物嘅相，唯獨尋日嘅鰻魚飯漏咗影，所以今次食評缺相。