發記甜品 (已結業)

上次食完個楊枝甘露,今日又貢左入去食甜品, 今次我就叫左個芒果沙冰,女友就叫左個芒果糯米卷...首先講下個芒果沙冰先, 個賣相都唔錯而且好大杯, 食入口就滿口芒果甜味,不過我覺得可以加些少芒果肉會更好味. 跟住就梗係要講講個芒果糯米卷, 一碟有四件再加一粒一開二的士多啤梨作伴碟, 好不幸粒士多啤梨好像沒有水份似的, 當然食唔落啦, 跟手就梗係要食主菜糯米卷啦,睇落個樣就好靚喎,白色的外皮, 金黃色的內涵,不過食入口我又只係感覺到個芒果涵好好味, 不過個皮我就覺得太多椰絲喇.