和越式牛肉粉餐廳 (已結業)

我想黎食好耐喇,之前想生日同朋友黎食,點知打風...算啦前晚黎食,一心諗住佢個湯粉係好好食啦...見佢好似好出名咁...點知...三個人,食左四樣野...1. 叫左個小食拼盤 - 特價喎 98 特到88...咪叫黎食下,但覺得唔底呀,好似貴左d,有牛肉蝦片,幾好味,春卷,ok...扎肉,例牌野ok.同雞翼咁囉...2. 熟牛肉牛丸湯河 - 牛肉同牛丸都ok,湯底都好濃好夠味,係d粉唔得,一夾就斷...好幼..3. 咖哩雞加蒜蓉包 - d雞真係好差,好散,好林,一夾就散晒,冇味...4. 炸蝦餅 - 咸左少少,太林,唔夠彈牙...總括黎講,我都唔會再去喇,因為比我想像中差,我寧願去返越棧食,人地d粉好食得多.... 仲有d伙記好忙,叫十聲先應一聲....同埋去廁所都唔方便,又要走返隔離個mall去...