BB開心茶座

營業中

休息中

上星期天氣晴朗，所以決定去郊區遊吓車河，去到鹿頸附近，見到有兩間露天茶座就想食啲嘢，我哋睇左兩間茶座嘅餐牌，仲諗緊去邊間嘅時候，BB開心茶座就有個女侍應走出嚟招呼我哋入去，咁當然就入咗去BB開心茶座喇，佢好好招呼，我相信佢係老闆娘，佢推介我哋食鹽焗雞、牛筋腩同埋豬扒。個老闆娘好健談，同我哋傾左幾句，最近嘅疫情令佢哋失意大跌，試過全日得幾枱客。我哋揀咗鹽焗雞，牛腩豬扒湯河。我覺得鹽焗雞同牛腩冇乜嘢特別，但係個豬扒就真係好好食，好香口好鬆脆。去效遊我最鍾意去露天茶座食吓野，環境清靜，但缺點係多蚊蟲，一定要搽蚊怕水。