地球吧 (已結業)

路過見到尼間新裝修既cafe，以藍綠色為主調，設有好多室外座位，下晝可以一路曬住太陽☀️，一路欣賞大美督八仙湖既靚景，仲可以帶寵物一齊黎食嘢，非常寫意。室外位置四圍都掛左氫氣球燈，夜晚黎應該幾有氣氛。就算朝早黎，門口同四圍又有好多打卡位📸卡津雞扒飯團便當（$78）：本身以為係煎雞扒，原來係將雞扒切粒再炸，變左炸雞飯團便當🍙🍱，似乎個便當名改得唔係好適合，但食落都幾好食🤩咬開炸雞有少少油，肉質幾嫩滑。有一、兩舊炸雞輕微厚粉，好在雞既份量幾多，足夠拌哂兩個飯團🍙。旁邊有好大份前菜沙律，加左醋一齊食好開胃。飯團🍙用醬油拌飯整成，每粒飯都沾上醬油，食落好香又唔油膩。份量適中，女仔食哂成個便當🍱好夠飽，男友食就覺得太少飯，希望可以加多個飯團比佢😂松葉蟹肉米漢堡（$88）：米漢堡概念同飯團既相似，只係將醬油飯整成麵包形狀。內層有好豐富既蟹肉，非常足料，配沙律醬一齊食，甜甜地好滋味，夾住生菜既可增加口感，又扮足漢堡😂同普通漢堡麵包相比，我鍾意食尼個醬油米多啲，口感較濕潤，冇咁乾爭爭。旁邊同樣都有前菜沙律🥗整體份量比飯團便當少，冇咁多餸，㨂便當就會性價比高啲。建議可以加$10多一個飯團，先夠男友食飽🧡總