明洞Express (已結業)

我最愛食韓國嘢，韓國快餐最好嘅其中一間就係明洞express，簡直快、靚、正！由點餐到食物上台都係等左15mins左右，好啱香港嘅速食文化。去到一定會點我嘅最愛純豆腐湯。熱辣辣嘅石鍋載住豆腐泡菜湯，上到台嘅時候仲滾住…滾住，忍唔住即刻飲啖湯暖暖胃，再配上一碗白飯。邪惡嘅芝士泡菜餅話減肥嘅我……見到之後都係食完再算。煎到卜卜脆嘅泡菜餅，上面再鋪著滿滿嘅芝士，簡直邪惡到不得了，好食到停唔到口，值得一試。