叁薯 (已結業)

夜燈初上的旺角街頭，人來人往，忽然睇到一個留左鬍渣既型男向我一笑，他頭上寫住兩個古風盎然的大字招牌，正是"叁薯"。去叁薯，是傍晚時份，行街行到有啲悶，見到個幾得意既小食鋪，就上前一看，叫左個重量級芝士焗薯。未幾，焗薯送出，熱氣冒騰，薯香四溢。熱辣辣既焗薯上，是融化的厚芝士，再揉上少許雪白的淡忌廉，撒上紅椒粉，碎洋蒽，青蒽花，輕輕剖開薯皮，便飄出一縷冒著香氣的煙。將其攪拌均勻，放入口中，只覺一陣油滑溫軟，首先滲滿濃郁滿芝士既馬鈴薯肉，以新鮮熱辣霸佔口腔，慢慢細味時，又有清新的忌廉香氣，以及脆嫩的洋蒽，青蒽口感，混和一起，一啖未食完，又忍唔住食多一啖。 新鮮，邪惡，滿足而不膩，盡在這盤重量級芝士焗薯中。焗薯最好味既，除左新鮮熱辣既滿足感外，仲有將佐料同薯肉拌起，再放入口中既感覺，邊行邊食，好快清理完畢，為悠長一天劃上圓圓的句號。