影片
更多
2022-08-15
40 瀏覽
📍吉列牛忌廉烏冬專門店 - #YFF銅鑼灣 💎【當濃厚忌廉遇上咖哩烏冬🍜 來自韓國的高質過江龍食店】今日又係過江龍系列，大家睇唔睇得出我有幾掛住旅行嘅滋味😭 呢間黎自韓國嘅人氣長龍過江龍店主打日韓fusion菜，招牌菜式係吉列牛同埋忌廉烏冬，一場黎到緊係要試晒佢地嘅招牌菜式啦，嗌combo set就係最抵玩嘅選擇😎❝吉列牛定食 及 咖喱忌廉烏冬Combo Set❞ — $256⧐ 吉列牛定食牛肉用上美國熟成牛肩脊，表面裏上薄薄一層麵包糠炸至金黃色，已預先已切成小件。上枱時呈粉紅色，大概三成熟左右。大家可以將牛扒放喺石燒爐燒至自己鐘意嘅生熟程度～ 燒過嘅吉列牛外脆內嫩，炸皮酥脆有口感，牛扒肉質尚算嫩滑，而且有肉汁鎖住喺入面，加埋wasabi一齊食簡直就係絕配，好夾！伴碟仲有伴胡麻醬椰菜絲沙律，配埋一齊食絕對可以減低膩感。成個定食仲包埋白飯、 麵豉湯，同埋兩款前菜，當日係麻醬豆腐同埋車厘茄，成個set都幾豐富架～⧐ 咖喱忌廉烏冬烏冬好大碗，上面舖滿一層厚厚嘅雪白忌廉，賣相澎湃又邪惡🙌 底層係日式咖哩烏冬，味道香甜濃郁，讚岐烏冬口感滑嫩彈牙，配料有牛肉、薯仔、菇片等。估唔到忌廉加埋入咖喱烏冬
【當濃厚忌廉遇上咖哩烏冬🍜 來自韓國的高質過江龍食店】
今日又係過江龍系列，大家睇唔睇得出我有幾掛住旅行嘅滋味😭 呢間黎自韓國嘅人氣長龍過江龍店主打日韓fusion菜，招牌菜式係吉列牛同埋忌廉烏冬，一場黎到緊係要試晒佢地嘅招牌菜式啦，嗌combo set就係最抵玩嘅選擇😎
❝吉列牛定食 及 咖喱忌廉烏冬Combo Set❞ — $256
⧐ 吉列牛定食
牛肉用上美國熟成牛肩脊，表面裏上薄薄一層麵包糠炸至金黃色，已預先已切成小件。上枱時呈粉紅色，大概三成熟左右。大家可以將牛扒放喺石燒爐燒至自己鐘意嘅生熟程度～ 燒過嘅吉列牛外脆內嫩，炸皮酥脆有口感，牛扒肉質尚算嫩滑，而且有肉汁鎖住喺入面，加埋wasabi一齊食簡直就係絕配，好夾！伴碟仲有伴胡麻醬椰菜絲沙律，配埋一齊食絕對可以減低膩感。成個定食仲包埋白飯、 麵豉湯，同埋兩款前菜，當日係麻醬豆腐同埋車厘茄，成個set都幾豐富架～
⧐ 咖喱忌廉烏冬
烏冬好大碗，上面舖滿一層厚厚嘅雪白忌廉，賣相澎湃又邪惡🙌 底層係日式咖哩烏冬，味道香甜濃郁，讚岐烏冬口感滑嫩彈牙，配料有牛肉、薯仔、菇片等。估唔到忌廉加埋入咖喱烏冬係會有加乘效果，令到成碗烏冬更加creamy，奶香十足，而且竟然冇想像中咁膩口(´･_･`) 好有驚喜！
⧐ Passion fruit punch (+$22)
百香果混合檸檬等果汁，再溝埋梳打水，飲落酸酸甜甜又好夠氣，非常消暑😙
⧐ Sweet potato latte (+$25)
上面擠滿一大pat cream，飲落好creamy，而且唔會太甜，但可惜紫薯味唔算好重😔
➤ 雞軟骨餃子 ($48)
餃子外皮煎到好香脆，餡料有豬肉碎同埋雞軟骨碎，口感十足，點埋醋一齊食真係食到停唔到口😍
張貼
