影片
更多
2011-10-30
13 瀏覽
曾講過唔鐘意旺角店因對面街D臭豆腐味太勁所以去the one食﹐但因有事出開旺角又收到coupon所以返呢間食。原來而家有度玻璃門隔住D臭豆腐味了﹗真好﹗講服務我覺得旺角點比較熱誠D﹐店子小小﹐有兩至三個姐姐派coupon﹐一個扮毛毛公仔乳酪人(真辛苦啊﹐仲要過馬路﹐條街又熱又逼人)﹐兩個樓面﹐一個係廚房切野。一邊歡迎光臨一邊收銀一邊吸儲分印仔﹐又抹檯抹乳酪機﹐一眼關七真係唔容易﹐我蹬分到去呢間分店返工的人唔抵囉。淨係檯旺角店都有成五六張﹐the one得個兩張囉...希望老闆睇到呢編食評考慮一下人工要同工作量成正比吧﹐the one店D妹妹仔玩iphone睇片仲要叉住電甘睇...一係就係三個堆晒係收銀機吹水...唔係去過旺角店都唔會甘睇唔過眼囉﹗淨係呢個理由﹐我都會寧願去旺角食唔去the one了。而且﹐旺角人流多﹐topping選擇亦多了。我依然係唔敢食生果系topping﹐現成方面﹐比起the one店﹐有多款mochi選擇﹐oreo可揀chuck或碎(粉碎個隻)﹗我真係好鐘意仲見到餅狀既oreo﹐因為口感較佳。粟米片類﹐有可可脆片﹐普通粟米片﹐麥格脆等等。糖系有橡皮gummi
淨係呢個理由﹐我都會寧願去旺角食唔去the one了。而且﹐旺角人流多﹐topping選擇亦多了。我依然係唔敢食生果系topping﹐現成方面﹐比起the one店﹐有多款mochi選擇﹐oreo可揀chuck或碎(粉碎個隻)﹗我真係好鐘意仲見到餅狀既oreo﹐因為口感較佳。粟米片類﹐有可可脆片﹐普通粟米片﹐麥格脆等等。糖系有橡皮gummi bear啦﹐朱古力粒﹐石頭糖﹐唔顏六色個種朱古力粒(唔知叫咩)﹐綿花糖等﹐不能盡錄﹗
旺角店有藍梅味﹐酸酸的﹐唔夠士多啤梨酸﹐都唔錯。但唔係成日有的。近排就換左季節限定南瓜味。貪得意到此一游人士可試﹐但其實一D味都無﹐甜甜地甘囉。唔推介
本人推介酸系的士多啤梨﹐藍梅&少甜的綠茶。而男友作為朱古力掌門人就梗係朱古力啦。唔知係咪心理作用﹐旺角店既味道比起the one較甜的...可能要配合學生哥的口味﹖還有有一點要留意的﹐用個部機時請留意紅色燈個個數字﹐經過本人食過不下二十次後﹐發現數字愈大﹐乳酪會較挺身的。如果你拉手制﹐你會發現數字會急速下降。所以如果你想食個隻味而個數字又小於七十﹐就證明剛剛有人拉過﹐如果你即刻拉﹐就會好水好溶﹗﹗建議先落其他味﹐等一分鐘數字上返九十以上先好拉喔﹗
張貼
