影片
更多
2017-08-10
4511 瀏覽
終於開始寫食評六月尾同舊同事一行四人去左呢間好出名既倫哥度打邊爐，我地提前成個月就BOOK定，真係等到頸都長，入到去帶左我地去上一層，已經差唔多坐滿。首先講下呢度吸引人既地方先:-1) 雞煲 -- 任食2) 飲品 -- 任飲3) 涼茶 -- 任飲 (不過飲晒就無)4) 部分海鮮 -- 任食5) 最重要係無限時!!!吹水無得頂，不過預左會好嘈!首先上左D前菜，味道都還可以，之後就上左佢地送既鮑魚同粉絲蒸象拔蚌仔，我個人覺得個象拔蚌都幾好味，之後就開始食雞煲啦，同行舊同事唔食得太辣，所以只係叫左小辣，D雞都正正常常啦，又唔可以話勁好食嗰D但小辣對我黎講真係唔夠辣囉。有樣野值得讚既就係職員放低個雞煲之後會話你聽等幾多分鐘之後就炒一炒D雞，但之後其實佢都會主動走過黎炒 好啦，到雞煲差唔多食完啦，佢就會拎埋D水魷呀，牛柏葉呀同埋豬皮俾我地，個人覺得豬皮好食D，因為佢可以索到D汁。食完個雞煲，你可以繼續添食，而我地就轉戰邊爐(留意返轉左邊爐就無得轉返雞煲)。有D食客會加錢有隻波士頓龍虾做湯底，不過我地無試。第一round就黎左D海鮮，有蠔﹑帶子﹑龍
六月尾同舊同事一行四人去左呢間好出名既倫哥度打邊爐，我地提前成個月就BOOK定，真係等到頸都長，入到去帶左我地去上一層，已經差唔多坐滿。
首先講下呢度吸引人既地方先:-
1) 雞煲 -- 任食
2) 飲品 -- 任飲
3) 涼茶 -- 任飲 (不過飲晒就無)
4) 部分海鮮 -- 任食
5) 最重要係無限時!!!吹水無得頂，不過預左會好嘈!
首先上左D前菜，味道都還可以，之後就上左佢地送既鮑魚同粉絲蒸象拔蚌仔，我個人覺得個象拔蚌都幾好味，之後就開始食雞煲啦，同行舊同事唔食得太辣，所以只係叫左小辣，D雞都正正常常啦，又唔可以話勁好食嗰D但小辣對我黎講真係唔夠辣囉。有樣野值得讚既就係職員放低個雞煲之後會話你聽等幾多分鐘之後就炒一炒D雞，但之後其實佢都會主動走過黎炒
好啦，到雞煲差唔多食完啦，佢就會拎埋D水魷呀，牛柏葉呀同埋豬皮俾我地，個人覺得豬皮好食D，因為佢可以索到D汁。食完個雞煲，你可以繼續添食，而我地就轉戰邊爐(留意返轉左邊爐就無得轉返雞煲)。有D食客會加錢有隻波士頓龍虾做湯底，不過我地無試。
第一round就黎左D海鮮，有蠔﹑帶子﹑龍蠆﹑聖子(當然呢D無得任食)，另外可以任食既海鮮就有蝦﹑蜆﹑鯇魚片﹑蟹柳﹑海帶。除左蜆我地食到有沙之外，其餘都OK既，係新鮮既。 而牛肉呢，就兩個人一碟免費，之後再叫就要加錢，但因為我地見到邊位有少少瘀色而且同行有兩位同事唔好牛，所以無再叫。
食飽飽，到最後仲有個甜品送，甜品名係 “真的假不了” 原來係燕窩燉蛋白，都幾滑。 埋單每位$278+10%，不過要留意返呢度只收現金 (仲諗住碌卡儲分添…)。
$300
59 瀏覽
1 讚好
0 留言
題外話/補充資料：
幾間分店同步有抽獎，氣氛都幾好。
(以上食評乃用戶個人意見 , 並不代表OpenRice之觀點。)
張貼
