漁小館 (已結業)

午餐食龍躉，好似好誇張，但其實價錢合理嘅話，絕對一試！蒜蓉蝦龍躉飯，帶有一啲中西混合嘅感覺，因為佢飯底用荷葉墊底，令到飯充滿荷葉的香味，有啲似臘味飯嘅感覺；而蝦係主角，感覺上似食西餐，所以似是中西合壁。飯上鋪滿蒜蓉，增加香味之餘，更可以辟去海鮮腥味。蝦係開邊上，大約有三隻中蝦，蝦身爽口又冇腥味。龍躉魚大約有三至四塊，冇腥味，魚肉好實，唔會一夾就散，魚皮跟魚肉亦冇散開；魚味甚濃，非好好食。而且入面又有雪耳，好清新，食完可以帶走海鮮以及蒜蓉嘅濃味，唔怕口臭。