影片
更多
2011-03-26
8 瀏覽
師傅都有好一陣子冇黎過呢間食店, 加上早一陣子好想食日式拉麵, 師傅就試下約埋師妹, 齊齊黎呢間食店食晚飯; 由於師妹對呢間食店都十分之有好感, 所以就決定齊齊晚飯, 齊齊開心, 食番餐勁! 由於對食店真的太熟悉, 所以師傅知道係唔需要訂位, 於是大約八點同師妹雙雙到達, 就等候侍應安排入座!坐底後就齊齊商量下食咩好, 拉麵師傅始終鍾愛元祖激辣拉麵, 所以是次亦不例外; 由於師傅冇咩唔食, 所以小食就等師妹發板; 最後揀左溏心蛋, 燒雞肉串, 泡菜餃子鍋同埋吞拿魚沙律; 至於師妹揀左咩拉麵, 師傅已經唔記得了, 淨係記得個名叫紫菜甚麼拉麵!落完單唔使等好耐就已經有得食, 師傅就先講下啲小食先; 溏心蛋一如以往的高水準, 蛋身軟熟, 蛋黃半溶半漏, 入口鬆軟滑漏, 真的無敵, 冇黎一排水準依舊, 真係唔野少; 燒雞肉串一碟有三條, 入口冇咩特別, 係肉身夠鬆, 加上味道有少少似美珍香嘅燒雞肉乾咁, 感覺得意!至於泡菜餃子鍋算係比較有新意, 用鍋湯上餃子, 再配上酸酸辣辣的泡菜, 餃子味道不錯, 皮軟肉香, 水準不賴, 可惜係泡菜味道較酸, 酸到令師傅打冷震, 以食泡菜嘅角度黎講真係唔合格
坐底後就齊齊商量下食咩好, 拉麵師傅始終鍾愛元祖激辣拉麵, 所以是次亦不例外; 由於師傅冇咩唔食, 所以小食就等師妹發板; 最後揀左溏心蛋, 燒雞肉串, 泡菜餃子鍋同埋吞拿魚沙律; 至於師妹揀左咩拉麵, 師傅已經唔記得了, 淨係記得個名叫紫菜甚麼拉麵!
落完單唔使等好耐就已經有得食, 師傅就先講下啲小食先; 溏心蛋一如以往的高水準, 蛋身軟熟, 蛋黃半溶半漏, 入口鬆軟滑漏, 真的無敵, 冇黎一排水準依舊, 真係唔野少; 燒雞肉串一碟有三條, 入口冇咩特別, 係肉身夠鬆, 加上味道有少少似美珍香嘅燒雞肉乾咁, 感覺得意!
至於泡菜餃子鍋算係比較有新意, 用鍋湯上餃子, 再配上酸酸辣辣的泡菜, 餃子味道不錯, 皮軟肉香, 水準不賴, 可惜係泡菜味道較酸, 酸到令師傅打冷震, 以食泡菜嘅角度黎講真係唔合格, 始終泡菜唔係日本菜嘅主打, 師傅亦不能強求, 但比師傅揀多次, 師傅寧願吃炸餃子! 吞拿魚沙律個份量真係大到嚇死人, 直頭有成個拉麵咁嘅份量, 到底有冇加大左比師傅呢? 師傅真係唔知, 不過吞拿魚沙律嘅料真的好足, 有蕃茄, 粟米, 吞拿魚, 蟹籽同菜絲等, 入口新鮮, 清甜, 爽口, 唯一係比較乾身, 如果能加多少少沙律醬相信更加吸引!
最後講下碗元祖激辣拉麵, 呢碗元祖激辣拉麵師傅係揀左加辣版, 皆因之前嘅辣度根本令師傅到喉唔到肺; 既然係加辣版當然要先試下個湯底, 湯底香香辣辣, 非常惹味, 同之前相比真係加左辣, 重手左, 但呢個味道先係師傅至愛; 至於碗內嘅叉燒, 半肥瘦啱啱好, 肉質鬆身, 加上都幾大塊, 正呀; 仲有半隻糖心蛋, 糖心蛋和另加的一樣水準, 配菜粟米十分甜美, 師傅最快食晒的就係粟米; 而拉麵煮得煙煙韌韌, 十分彈牙, 成個拉麵都真係好好味!
總括黎講食物質素依然維持高水準, 服務態度不錯, 環境清潔乾淨, 價錢唔貴, 兩個拉麵加上四款小食, 埋單兩舊水, 真係非常抵食; 最後師傅同師妹都食到好飽, 但感覺十分滿足; 師傅相當欣賞元祖激辣拉麵加辣版, 真的令師傅回味無窮, 食過加辣版同正常版後, 師傅還是覺得加辣好, 呢一刻又心思思去食多次了, 笑臉係絕對要比!
張貼
