影片
更多
2004-07-10
0 瀏覽
老同學一個即興電話要食俄羅斯菜，隨即想起四件：紅湯、波波夫、俄羅斯妹、俄羅斯方塊。可想而知，對俄菜有幾多認知啦！胡亂地點左什麼甘荀雜菜包、豬肉洋蔥、菠菜雞肉班戟（即其他食評所寫ｏ既可能出面幾蚊雞買到ｏ既包），咁叫班戟啦，至少會「裝身」一下上碟，賣相唔錯，味道都OK！麵包焗紅酒牛乜差差（太長，年紀大，記唔到）：面頭ｏ既麵包面，幾好ｏ趙下，有點近似麥包薄脆，將ｏ的汁撈飯或點包係唔錯，略嫌飯少左ｏ的唔夠點，無理由淨食，因為會好咸；豬仔肋骨串燒：果然見識到「熄熄燈拍拍手火光烈焰」一式喎。真係幾香，食得過，但我反而鍾意食佢ｏ的薯蛋。Russian pudding：無介紹錯，真係好好味，一定要試，最鍾意底下ｏ的草莓，帶點酒，正。噱頭：一．賣點係兩位民族裝live musician，無疑氣氛係好bright好cheerful（生日不妨係度唔錯），但都要講句真係好嘈，佢地隔一段時間，巡檯咁唱或者係台到唱，所以有什麼密偈、心事、談心．．．就唔好揀哩度講喇，任何一張檯無一幸免，除左VIP房。二．vodka冷藏庫，最抵死佢地提供埋fur比人著入去飲／試酒，貪新意ｏ既同學仔猛影相，而我跟華dee係潔癖情況之下
胡亂地點左什麼甘荀雜菜包、豬肉洋蔥、菠菜雞肉班戟（即其他食評所寫ｏ既可能出面幾蚊雞買到ｏ既包），咁叫班戟啦，至少會「裝身」一下上碟，賣相唔錯，味道都OK！
麵包焗紅酒牛乜差差（太長，年紀大，記唔到）：面頭ｏ既麵包面，幾好ｏ趙下，有點近似麥包薄脆，將ｏ的汁撈飯或點包係唔錯，略嫌飯少左ｏ的唔夠點，無理由淨食，因為會好咸；
豬仔肋骨串燒：果然見識到「熄熄燈拍拍手火光烈焰」一式喎。真係幾香，食得過，但我反而鍾意食佢ｏ的薯蛋。
Russian pudding：無介紹錯，真係好好味，一定要試，最鍾意底下ｏ的草莓，帶點酒，正。
噱頭：
一．賣點係兩位民族裝live musician，無疑氣氛係好bright好cheerful（生日不妨係度唔錯），但都要講句真係好嘈，佢地隔一段時間，巡檯咁唱或者係台到唱，所以有什麼密偈、心事、談心．．．就唔好揀哩度講喇，任何一張檯無一幸免，除左VIP房。
二．vodka冷藏庫，最抵死佢地提供埋fur比人著入去飲／試酒，貪新意ｏ既同學仔猛影相，而我跟華dee係潔癖情況之下，就咁「掛毛皮賣傻笑」喇，試諗下「萬人著」加摸到些少黏立立感覺會如何丫？！（最抵死係有埋帽，試想上一手係「地中海」或「喜多郎」．．．哈，講明先，唔係歧視呀！）
三．經理變臉，唉！真的，好唔喜歡諾士佛台哩一帶這種「見鬼講人話、見人講鬼話」！ｏ岩ｏ既，搵人家錢總好過自己友嗎！
其實，有點掛住我國ｏ既紅湯 － 酸辣湯（搵日幫襯下中環「上海佬」先）
張貼
