墾丁茶房 (已結業)

行完山終極肚餓，商場入面好多食店都爆哂，見呢間人少少就食呢間啦！原來除左食客少，個地方好大，而staff眼見嘅只得一個係樓面。我地四個人叫左香葉三杯雞，滷水拼盤，都有跟一碗香菇肉燥飯，重有叫左秘製紅燒牛肉麵同蚵仔煎。三杯雞夠香夠濃，送埋個肉燥飯一流！滷水拼盤滷味好足又唔會死咸！紅燒牛肉麵牛肉份量好足，牛肉夠淋！不過蚵仔煎就未係我預期個種，佢比較似乾煎，而唔係台灣食到個種糊糊地嘅蚵煎。總括黎講，食物同環境質素都還可以，不過staff就真係好缺，出去賣單已經有兩個人等緊但竟然冇staff，要行入去叫個staff先埋到單。