港麵子 (已結業)

今日係德福行街，間間餐廳都好多人，係咗呢間餐廳坐得幾個人。懶得等位之下，本住中伏既心態去試食下午茶。佢價錢最貴都係$38，唔洗加一，好似幾抵。叫咗個沙嗲牛肉即食麵同埋蕃茄牛腩通粉，兩個都包煎蛋、牛油多士烘底、熱飲。個面嘅湯底就一般，冇咩味，沙嗲還可以，但份量唔多。番茄牛腩通粉味道比想像好，有牛肉味，但同樣份量唔多。個太陽蛋煎得幾靚，有蛋味。多士雖然係烘底，但涼咗，冇咩特別。奶茶茶味濃，但有少少酸同唔夠滑。呢個價錢有咁既質素，可以接受。