無敵家

營業中

休息中

今次嚟到上環呢一間日式居酒屋店，好似行入咗日劇場景咁。一直喺香港都唔敢幫襯日式居酒屋，因為怕太貴同貨不對辦。不過見呢間都幾多好評，所以一試。呢間居酒屋除咗有串燒，仲有各式各樣嘅前菜同埋主食。一上枱先係兩杯生啤，汽泡嘅比例相當好，suntory 嘅啤酒就係輕盈，冇飲開走嘅朋友都覺得易入口。明太子玉子燒當價前菜，明太子份量好足，玉子夠滑。安格斯牛柳牛柳旁邊配咗一個生蛋黃，調味上不過不失，牛肉夠淋。南蠻炸雞沙律沙律嘅份量唔多，大約二人食，但炸雞數量豐富新鮮出爐夠Juicy。牛油粟米如果切細舊啲會更好翠玉瓜免頭加上櫻花蝦，口感唔錯雞腎冇腥味，夠爽豚肉荔枝串豚肉嘅油膩被荔枝平衡，相當創新帆立貝大大粒幾抵食呢間餐廳嘅位置寬敞，食物水準高。確係幾適合三五知己，平日晚嚟吹吓水食下嘢。