喜記避風塘炒辣蟹 (利園山道) (已結業)

喜記避風塘炒辣蟹，之前一直聽過但未食過，早幾晚終於去了銅鑼灣店，位置在利園山道小巴站對面，地點就腳。2人套餐（$988）： 有幾款海鮮，當然一定有必食的避風塘炒蟹啦。豉椒炒大蜆 - 大大碟夠鑊氣，蜆肉新鮮肥美索晒汁！椒鹽瀨尿蝦 - 瀨尿蝦一分為二，其實都幾大隻，俾埋鉸剪我哋去剪啲蝦殼，好細心。剪開後啖啖肉，肉質彈牙。金銀蒜蓉粉絲蒸扇貝 - 一人一隻啱啱好，惹味嘅蒜蓉粉絲，加新鮮扇貝清蒸，配一碗白飯就好正了。避風塘炒辣蟹 - 超多炸蒜，小辣唔算好辣，蟹肉咬落實淨又入味，非常香口。蒜蓉炒菠菜 - 大碟到夠4個人食，菠菜充滿蒜蓉香，食多啲都唔怕！