影片
更多
2020-07-24
64 瀏覽
位於美孚嘅饒宗頤文化館，環境非常清幽，由地鐵站一出，行10分鐘左右再上條長樓梯，再過馬路就到了。雖然行到身水身汗，但聽到綠油油荷花池，裡面又有青蛙🐸呱呱叫，暑氣盡消。饒宗頤文化館算係歷史文物，記載左舊式測紅磚牆裂縫技術。搭架特別的lift後，就到悅滿軒了。呢間法國菜喺「饒宗頤」（前身為荔枝角醫院）呢個著名嘅國學家名字內，感覺有點特別，也許這就是香港「中西文化合璧」特色展現吧！可能因為天氣實在太熱，餐廳內冷氣要等等先感覺到涼意。裝修非常modern，全部都係皮凳，燈光柔和，仲播Norah Jones真係好浪漫，小情侶/夫妻共進午/晚餐一流，仲唔使同人逼/俾人趕。先來黑欖牛油🧈配番茄乾麵包。平時麵包都唔會食曬怕撐著肚皮食唔到主菜，呢款自家製麵包真係好好味。法國毛蟹湯 （$78）加入白蘭地嘅法國毛蟹湯，感覺有淡淡酒香，但冇想像中淡淡蟹肉嘅感覺，不過不失啦！焗阿拉斯加深海魚比目魚配昆布湯（$248）喜歡口味清淡嘅朋友，不妨試試呢個高質素嘅海鮮選擇，喺白貝、青口之上，係魚皮煎到金黃香脆嘅比目魚。先放進口係滿滿嘅鮮嫩，再呷一口海鮮精華昆布湯，將海洋嘅氣息盡收口內，全部飲晒好滿足。😛😛法國油封鴨配焦
位於美孚嘅饒宗頤文化館，環境非常清幽，由地鐵站一出，行10分鐘左右再上條長樓梯，再過馬路就到了。雖然行到身水身汗，但聽到綠油油荷花池，裡面又有青蛙🐸呱呱叫，暑氣盡消。
饒宗頤文化館算係歷史文物，記載左舊式測紅磚牆裂縫技術。搭架特別的lift後，就到悅滿軒了。
呢間法國菜喺「饒宗頤」（前身為荔枝角醫院）呢個著名嘅國學家名字內，感覺有點特別，也許這就是香港「中西文化合璧」特色展現吧！
可能因為天氣實在太熱，餐廳內冷氣要等等先感覺到涼意。裝修非常modern，全部都係皮凳，燈光柔和，仲播Norah Jones真係好浪漫，小情侶/夫妻共進午/晚餐一流，仲唔使同人逼/俾人趕。
先來黑欖牛油🧈配番茄乾麵包。平時麵包都唔會食曬怕撐著肚皮食唔到主菜，呢款自家製麵包真係好好味。
法國毛蟹湯 （$78）加入白蘭地嘅法國毛蟹湯，感覺有淡淡酒香，但冇想像中淡淡蟹肉嘅感覺，不過不失啦！
焗阿拉斯加深海魚比目魚配昆布湯（$248）喜歡口味清淡嘅朋友，不妨試試呢個高質素嘅海鮮選擇，喺白貝、青口之上，係魚皮煎到金黃香脆嘅比目魚。先放進口係滿滿嘅鮮嫩，再呷一口海鮮精華昆布湯，將海洋嘅氣息盡收口內，全部飲晒好滿足。😛😛
法國油封鴨配焦糖蘋果（$228）擺盆冇得輸，焦糖蘋果放喺炸得外脆內軟嘅大鴨胸下，仲有陣陣玉桂香再配提子乾，簡直美食先興奮！
我專登切開俾大家望吓呢隻大鴨腿嘅厚度，要將咁厚身嘅鴨腿收益均勻，係非常考驗廚師嘅功架，肉質唔會因為煙燻再炸過而變得乾柴，反而仍然可以保持肉質鮮嫩，層次分明。😊
離開餐廳先發現原來外邊有一部白色鋼琴，可惜食完飯已經不再開放。疫情緣故好多食店都要結業，但悅滿選係我真心會想再幫襯嘅餐廳，因為廚師哥哥好專業咁出來問我地食物質素如何，招待嘅侍應包括一位銀發伯伯，全部都好有禮貌，對食物亦非常了解，令我感受到足夠嘅關懷之餘唔會覺得煩厭，同食客嘅關係拿捏得非常之好。👍🏼👍🏼👍🏼👍🏼
香港難得可以係一片綠油油嘅地方，慢悠悠咁用膳已經係萬幸，希望饒宗頤文化館唔會因為任何原因而消失啦☺️
張貼
