隆姐泰國美食館 (已搬遷) 新店位置

龍城中泰國菜,眾人首選通常去小曼谷,金寶,金不換,街市等.其他小店,往往比人遺忘,隆姐就係其中之一間.其實又無我講到咁嚴重,只係風頭無之前講果幾間咁勁.唔聲唔聲,已經擴充營業開分店.當中要講,就係泰式海南雞飯,做得出色.油飯充滿油香,但又唔係油淋淋.雞肉本身嫩滑有雞味.真係難得.青木瓜沙律無刻意去遷就港人口味而減辣,辣到飛起.加埋其他店都未必會加的蟹仔.雙重口感.如果一個人在龍城,想吃泰菜的話,隆姐係其中之好選擇.