十兄弟車仔麵 (已結業)

收工約朋友食個快飯，位於灣仔修頓球瑒對面既春園街，有間車仔麵都唔錯。由麵底到餸菜，甚至湯底同辣度都有唔少選擇。揀唔到食乜的話，仲可以試餐廳推薦既組合。柱侯牛四寶分別有五香金錢肚、濃汁牛丸、牛坑腩以及牛孖筋。金錢肚好軟腍入味，濃汁牛丸大粒之餘味道亦好突出，配埋腩汁湯底真係一流。自選車仔麵揀左韭菜餃、香辣陳皮魚蛋、牛坑腩以及菠菜麵。魚蛋口感比較厚實，有淡淡既陳皮香味。另外，仲加左辣菜脯過下口癮，不過就比想像中辣，鐘意食辣既就唔好錯過！腐乳通菜通菜口感幾爽脆，配埋腐乳既鹹香，成件事好夾。