十兄弟車仔麵 (已結業)

今日放假去開灣仔，同朋友去左呢間車仔麵食晚餐，入到黎已經見到menu好多選擇，今次我就叫左碗柱侯牛四寶，而朋友就叫左碗食神嗱喳麵！一去到見到柱侯牛四寶就忍唔住想食🤤$65一碗，牛四寶有五香金錢肚，牛骨濃汁牛丸，柱侯牛坑腩，勁腍牛孖筯，每樣都比足，金錢肚厚身，有口感，四款配料都煮到入哂味，個湯底亦好香牛味！而朋友叫既食神嗱喳麵就$59一碗，配料包括醬爆瀨尿牛丸，香辣豬紅，清甜蘿蔔，鮑汁魚肚，香辣玻璃魷魚，一共5個配料都只係59蚊，份量好多，朋友都食得好滿足！今次試完呢間車仔麵，同朋友都好滿足，下次經過灣仔既話，都會想黎試黎其他車仔麵！