鯛魚魚湯專門店 (已結業)

鯛魚營養價值高，除了低脂高蛋白，仲有豐富菸鹼酸，對神經系統、大腦功能、情緒調節都有幫助，聽落已經勁吸引喇！環境走日式小店路線，舒服。雖則呢度全部都係食魚湯烏烏冬/湯飯，但選擇都好廣而且吸引，一般豬/牛/海鮮如帶子/烏賊/廣島蠔/蕃薯蜆蝦烏冬，都係$80左右，價錢都唔貴。-貴價海鮮選擇都好多，花多眼亂樣樣都想食，有鮮象拔蚌貝柱、鮑魚花膠魚肚、原隻波士頓龍蝦等！波士頓龍蝦用煲仔上，keep住熱，賣相美，份量足，材料新鮮，魚湯鮮甜偏濃味，膠質感唔重易入口，烏冬彈牙，整體性價比滿意。-鮑魚花膠魚肚烏冬，好足料，鮑魚都有2隻！