瓏門冰室 (已結業)

第一次幫襯尖沙咀龍門，星期五晚七點，看見唔係太多人，以為之前傳聞話唔好食所以少人，又見到附近嘅光榮冰室排晒長龍，諗住一條友，疫症期間，可以唔駛搭枱，所以選擇龍門。點知唔夠一陣，就客似雲來，二人枱，張枱超細，超驚，我叫咗茶餐，一碟多士炒蛋，一碗公仔麵，一杯咖啡茶，已經佔咗三份二張枱。玉子蛋好味，沙嗲牛肉公仔麵，不錯。熱飲個杯真係太細。整體價錢合理，味道中上，沒有投訴。一定會繼續幫襯，尖沙咀附近呢個價錢應該好難搵到好嘢食。