極尚大喜屋 (鱷魚恤中心)

營業中

休息中

好耐冇食放題，今日特別放假，同朋友午餐去食出名放題嘅大喜屋。大喜屋有不同分店，觀塘分店最抵食。可能因為午市中段才入座，一到達已經可以順利入座，點菜以先，已經看到眾多選擇的飲品，冷盤，熱盤，甜品，仲有軟糖，軟雪糕，不得了。！第一輪先叫刺身，三文魚，帶子，象拔蚌都好新鮮，上菜的擺設好精緻。然後叫了各類型的燒物，天婦羅，壽司…佢哋嘅燒雞翼，燒牛舌，羊假，都入味，又夠熱，至於天婦羅，就略嫌乾了一點，但係都好味，最喜歡佢哋嘅壽司，品種特別，外間少有，而份量又細細的，可以叫多幾款嘗試。特別一提，網上也介紹佢哋知名嘅燒乳鴿，超好味，不妨一試。對於佢哋超多種類嘅飲品，實在有一種選擇困難症，有啲牌子嘅飲品外間少有。不得不提，佢哋仲有冷與熱嘅清酒選擇，如果係晚餐一定要試。雖然 full house, 店員的服務態度不慌不忙，上菜超快，收碟也超快，整個飲食經驗都好滿意。因為超多選擇，所以最後只係揀咗幾款前菜，選擇也不少。