馬辣台式鴛鴦火鍋 (大鴻輝(荃灣)中心) (已結業)

成班朋友約出嚟食飯，去任食火鍋就至好啦， 保證你可大吃大喝！這間馬辣台式鴛鴦火鍋， 除了有靚牛肉，靚海鮮，啤酒任飲， 仲要有不同嘅甜品，水果及靚雪糕！ 哈哈， 真係火鍋以外嘅驚喜！我欣賞呢度除咗選擇多多，牛肉都已經有幾款，即落單即送到，而且牛肉都好有水準!海鮮方面有大海蝦，真係十分新鮮，好爽口，而且大蝦蝦頭仲好多蝦膏，更估唔到係仲有元貝及蜆仔， 而且出面自選種類都很多，水魷魚，吊桶仔， 花膠， 豬皮……我最喜歡食就係佢呢個新鮮即包嘅韭菜餃 韭菜同豬肉分量剛剛好，韭菜很新鮮，配上麻辣湯底，好好味!兩小時任食，真係有足夠時間打完邊爐再慢慢食甜品， 呢度有好多不同種類嘅雪糕，雪條，雪米糍等等！