青流 (已結業)

大家有沒有想過 有一間餐廳在營業時間不營業 要客人在門口等將近半小時 打開左門以為營業，豈料 老闆話要準備食材 又要客人喺門口等!幾經辛苦 越過萬重山 終於進入餐廳 叫咗食物之後 居然要等將近一小時 !? 等待食物期間我好想一走了之 但女友制止了 畢竟等了那麼久冇理由白費時間 最後食物終於嚟 我叫咗一份熱狗 一份海南雞飯 佢有附送一碗嘅海水味精冬瓜湯 海南雞飯極細份 一個女仔應該都只有七成飽 畢竟我一個大男人六成飽都冇………… 而女友嘅熱狗 只係一塊熱狗包包住一條黑炭廚師腸 ？！ 見到嘅時候真係嚇死我 廿幾蚊俾一條燒燶曬嘅廚師腸我 真係唔明 點解要搞咁耐 ？呢間餐廳唯一可以讚嘅地方就係設計別具特色 充滿異國風味 至於食物同埋服務態度簡直令人無言 。一間好嘅餐廳 可以令一地成為遊客既回憶…… 而一間壞嘅餐廳足以令人不想重遊舊地。