影片
更多
2004-05-10
20 瀏覽
由於對上一次到新南記食既半咸淡打冷滿足不到本人既打冷意慾,遂決定於3.31 放工後到新城試試..八點鐘進店,發覺店內客人唔多..當晚有3.31 中國對伊朗既奧運外圍賽直播,可能食客要到咁上下先出現吧..先來既係鹵水鵝($40),其實同女友都想要鵝片,但係一想起同樣都係鵝,鵝片少d 之餘又貴多$20,實在叫唔落..可幸既係今次遇正鵝脾,唔肥,肉多之餘鹵水味夠,兩口子都感滿意~再黎係蠔餅($35),新鮮炸起,食入口脆卜卜,香口之餘亦熱氣死人也~感覺上比日漸退步既廟街蠔餅美味..不過蠔仔size 略細,食味不足.進食間偶然望望四周,原來不知不覺間己經滿座了~ 食到一半,女友醒起糯米炸大腸重未到,女友開始懷疑伙計漏單..不過其實可能性唔大,因為我猶記得order 完後伙計兜口兜面到鄰店將未炸既大腸拎入廚房備用.足足等左大概25 mins,糯米炸大腸($40)千呼萬喚下隆重上桌..一碟大概有十多粒內藏糯米既炸大腸,其貌不揚,不過香味卻十足..由於白飯因等此君而生哂"冷鋼",女友揚言若果唔好食唔會就咁算數..(不過並無講明要如何才肯"算數"..)放一舊入口..不知是否等得耐既關係,又覺得確係非同凡
八點鐘進店,發覺店內客人唔多..當晚有3.31 中國對伊朗既奧運外圍賽直播,可能食客要到咁上下先出現吧..
先來既係鹵水鵝($40),其實同女友都想要鵝片,但係一想起同樣都係鵝,鵝片少d 之餘又貴多$20,實在叫唔落..可幸既係今次遇正鵝脾,唔肥,肉多之餘鹵水味夠,兩口子都感滿意~
再黎係蠔餅($35),新鮮炸起,食入口脆卜卜,香口之餘亦熱氣死人也~感覺上比日漸退步既廟街蠔餅美味..不過蠔仔
size 略細,食味不足.
進食間偶然望望四周,原來不知不覺間己經滿座了~
食到一半,女友醒起糯米炸大腸重未到,女友開始懷疑伙計漏單..不過其實可能性唔大,因為我猶記得order 完後伙計兜口兜面到鄰店將未炸既大腸拎入廚房備用.
足足等左大概25 mins,糯米炸大腸($40)千呼萬喚下隆重上桌..一碟大概有十多粒內藏糯米既炸大腸,其貌不揚,不過香味卻十足..由於白飯因等此君而生哂"冷鋼",女友揚言若果唔好食唔會就咁算數..(不過並無講明要如何才肯"算數"..)
放一舊入口..不知是否等得耐既關係,又覺得確係非同凡響~炸大腸表層炸成脆皮,香口非常;內裏既糯米飯煙煙unun,口感不俗~加上糯米飯內有若干既臘味,味道變得有層次...同女友食得停不了口~而佢亦無再提及如何算數既問題了..
由於食完整頓飯後,中伊大戰正進行得激烈,於是決定叫一枝牌酒($12),再加一碟白灼鵝腸拼墨魚($40)來送酒睇波
白灼鵝腸拼墨魚係全晚既敗筆...其實都知道出街食白灼鵝腸係一個好大既風險,因為街邊鋪頭為左令鵝腸更爽口同大條d,都會將之"la"到滋味盡失,此店亦不例外,鵝腸味如嚼臘..至於墨魚則不及新南記既無染色墨魚鮮味了.
睇畢半場悶絕賽事後埋單走人,$18x~食咁多野連三碗白飯,食物有水準之餘店鋪亦企企理理~下次打冷癮起再來吧~
張貼