Reserva Ibérica 西班牙小食吧及咖啡室 (海運大廈) (已結業)

自己生日都過咗成個月，睇返先發覺無同老婆撐枱腳慶祝，所以今日二人世界食返生日飯先其實我好鍾意食tapas, 因為細細碟，可以試多好多野，今日嚟Reserva Ibérica就啱晒喇，環境裝修簡單舒服，呢度除咗tapas, 最出名嘅就當然係伊比利亞黑毛豬火腿啦，除咗火腿，呢度仲有好多款西班牙紅白酒同汽酒添！我地叫咗伊比利亞火腿拼盤配西班牙蕃茄多士，分別有一款白毛豬同三款黑毛豬火腿，由30個月到48個月嘅都有，層次分明，鹹到適中另外仲叫咗個tapas set, 有西班牙薯仔蛋餅，炸魷魚圈配香蒜蛋黃醬，帶子刺身薄切配檸檬油醋汁，三款tapas都好好味，特別係魷魚圈，好新鮮，正！我再叫咗慢煮伊比利亞豬肉漢堡配薯條及辣椒蛋黃醬，分量足夠之餘，豬肉仲好軟添甜品方面，佢哋有我最愛嘅Churros，另外餐廳仲送咗個炸多士慶祝我生日添！