影片
更多
2012-11-23
26 瀏覽
還記得早兩星期日 , 11.11 那天 , 狗狗行山日完結後 ,跟旅遊巴一齊返到黎大角咀 , 路過見到呢間拉面店 ,當日仲未開業 , 於是走過就算 , 直到近日見到 openrice餐廳動態中我常出沒地點 , 大角咀o既最新餐廳提示就係呢間o係大角咀富多來地下 , o個日見到o既勝旨炸豚拉面大角咀o既食店 , 一向多到不行 , 奇怪的是已到左拉面潮o既尾聲卻一直未有高水準o既拉面店降落大角咀 , 勝旨炸豚成了開荒牛小店門面不大 , 用上木門框o既趙門 , 頂上數盞射燈照住招牌打開趙門 , 店內環境以紅黑兩色為主 , 配上深棕色木紋餐桌 , 卡座有四張 , 左手邊有一列滿有日本面館特式o既高架座設紅色牆上簡單的掛上幾幅具洋風o既畫 , 不隆重亦不浮誇 , 全店用上射燈 , 好光猛 , 但都幾熱 , 難免冷氣都要開得大一點小店新將期內 , 只有兩款拉面 , 店員先行解釋點餐方法 , 點餐紙上圖文並茂 , 簡單易明 , 枱號一欄 , 店員會話你知點填面類分別係豚旨 = 叉燒拉面 , 勝旨則是店名說明的炸豚拉面自選湯底有三種 , 豚骨 , 黑蒜以及赤 ( 辣 ) , 濃度同樣有三個層次其他o既
跟旅遊巴一齊返到黎大角咀 , 路過見到呢間拉面店 ,
當日仲未開業 , 於是走過就算 , 直到近日見到 openrice
餐廳動態中我常出沒地點 , 大角咀o既最新餐廳提示
就係呢間o係大角咀富多來地下 , o個日見到o既勝旨炸豚拉面
大角咀o既食店 , 一向多到不行 , 奇怪的是已到左拉面潮o既尾聲
卻一直未有高水準o既拉面店降落大角咀 , 勝旨炸豚成了開荒牛
小店門面不大 , 用上木門框o既趙門 , 頂上數盞射燈照住招牌打開趙門 , 店內環境以紅黑兩色為主 , 配上深棕色木紋餐桌 ,
卡座有四張 , 左手邊有一列滿有日本面館特式o既高架座設
紅色牆上簡單的掛上幾幅具洋風o既畫 , 不隆重亦不浮誇 ,
全店用上射燈 , 好光猛 , 但都幾熱 , 難免冷氣都要開得大一點
小店新將期內 , 只有兩款拉面 , 店員先行解釋點餐方法 , 點餐紙上圖文並茂 , 簡單易明 , 枱號一欄 , 店員會話你知點填
面類分別係豚旨 = 叉燒拉面 , 勝旨則是店名說明的炸豚拉面
自選湯底有三種 , 豚骨 , 黑蒜以及赤 ( 辣 ) , 濃度同樣有三個層次
其他o既係面o既軟硬度 , 蔥花及秘製香油多少與否 , 都能自己挑選
1. 豚骨叉燒拉面
~ 湯底點了特濃 , 要香油 , 多蔥 , 加 $ 10 原隻半熟玉子 , 店員提議我地先飲啖用十幾斤豬骨熬足兩日o既特濃豚骨湯 ,
湯頭濃郁得很 , 濃至 creamy , 滑喉o既感覺 , 好重豬肉味 ,
就好似媽媽煲o既足料豬踭湯咁足料美味 , 重要o既係無味精
所以唔會因為特濃而變得過咸 , 而係熬出膠質 , 同零碎豬油粒
奇怪係一點點豬油般o既白色油脂 , 入口唔覺膩而且溶化速度特快
店員透露係用上豬背脂 , 香而不肥 , 但老實講 , 飲得多都幾膩
講到拉面 , 呢碗揀左硬身 , 口感不錯 , 叉燒一般 , 有欠甘香
半熟玉子非常美味 , 蛋白軟腍 , 淺啡色的 , 帶著微甜o既醬油味蛋黃澄澈通透 , 一咬開蛋白 , 就急不及待一一湧至 , 又香又滑
2. 黑蒜炸豚拉面
~ 這個湯底選上適中 , 特意o係未拌勻黑蒜油之後嚐一口豚骨湯味道同樣鮮甜 , 無咁杰身 , 無咁黏口 , 個人比較鍾意呢個質感
但事與願遺 , 黑蒜油份量十足 , 拌好後變成芝麻糊一樣深灰色的
食感都跟特濃湯底一樣 creamy 了 , 幸好帶有蒜香 , 有助減輕油膩感兩碗拉面一樣配有紫菜 , 木耳絲 , 鮮荀 , 以及多蔥 , 整個香上加香
炸豚分開上 , 新鮮炸起 , 頭一件十分香脆 , 影多兩張相 , 食多兩淡面
豬扒放涼了 , 外皮變軟 , 夾起就即刻散開 , 呢個問題有需要正視但味道係幾有水準o既 , 個炸漿調味得唔錯 , 豬扒彈牙香嫩且富肉汁
由其喜愛微酸o既秘製沙律醬 , 帶少許芥辣味 , 為炸豚增加不少分數
## 店內只售可樂同零系無糖可樂 , 提供o既亦只有附檸檬o既凍水檸檬水飲落去唔覺酸但十分清新 , 能夠抹去餐後飽滯油膩o既感覺 ,
店員都好關心我地食完有咩意見 , 我亦提出左一個主觀o既關鍵
就係拉面唔夠熱 , 個人認為個湯熱 d o既話食落會無咁黏稠咁易膩
店員當然欣然接受 , 亦話會作出改善 , 今日客人不多 , 店員好健談
服務態度誠敬有禮 , 新張期內仲有九折 , 故此呢餐一切都令人好滿意
張貼
