影片
更多
2022-02-17
165 瀏覽
情人節唔想同人迫, 女朋友傾掂數話可以後補, 正呀! 但唯一條件係唔可以同以前食過o既類型重覆.......近半年食咗好多餐OMAKASE, 但都搵唔返喺日本食刺身, 壽司o既感覺,朋友介紹下, 就book左呢間割烹, 食完呢餐, 女友同我都話好似去咗日本小旅行咁!前菜三點: 印象最深係個炸富山白蝦, 去過富山就知道富山有三寶, o係度可以食到其中一寶, 連殼食, 甜過食甜蝦, 仲有京都腐皮, 都係京都名物米崎蠔: 勁大隻, 食落爽身, 入口都好甜, 我自己比較鍾意Creamy D, 但女友就話呢隻好好食大拖羅配淡雪鹽: 正常表現, 係喺日本食大拖正常表現, 比起其他OMAKAKE 入口更溶, 而且無筋象拔蚌刺身配柚子鹽: 正常爽脆象拔蚌啦熟成九繪魚海膽卷: 做過功課後, 原來九繪魚係石斑o既一種, 難怪肉質彈牙, 加埋海膽o係入面, 女友話係幸福o既感覺鰤魚壽司: 雖然師傅話, 呢件未係冰見寒鰤, 但係都食到鰤魚o既油脂甘香春子鯛壽司: 師傳話係鯛魚BB, 好細條, 食一件壽司，就等食咗半條魚A4和牛配紫蘇大根汁: 自己唔太鍾意食A5, 因為太油, 呢份A4就啱啱好, 連埋其他解膩食
前菜三點: 印象最深係個炸富山白蝦, 去過富山就知道富山有三寶, o係度可以食到其中一寶, 連殼食, 甜過食甜蝦, 仲有京都腐皮, 都係京都名物
米崎蠔: 勁大隻, 食落爽身, 入口都好甜, 我自己比較鍾意Creamy D, 但女友就話呢隻好好食
大拖羅配淡雪鹽: 正常表現, 係喺日本食大拖正常表現, 比起其他OMAKAKE 入口更溶, 而且無筋
象拔蚌刺身配柚子鹽: 正常爽脆象拔蚌啦
熟成九繪魚海膽卷: 做過功課後, 原來九繪魚係石斑o既一種, 難怪肉質彈牙, 加埋海膽o係入面, 女友話係幸福o既感覺
鰤魚壽司: 雖然師傅話, 呢件未係冰見寒鰤, 但係都食到鰤魚o既油脂甘香
春子鯛壽司: 師傳話係鯛魚BB, 好細條, 食一件壽司，就等食咗半條魚
A4和牛配紫蘇大根汁: 自己唔太鍾意食A5, 因為太油, 呢份A4就啱啱好, 連埋其他解膩食材, 仲有個大根汁, 如果有碗白飯就正啦!
鵝肝蛋撻: 果然係佢地招牌菜式, 所有味道都好平衡, 食完個香味留o係口度好耐
白子 & 銀杏天婦羅: 原本係食天丼, 但因為飽飽地, 所以同同師傅講唔食咁多啦, 咁佢地整咗精選兩款天婦羅俾我地, 酸汁白子就食得多, 呢個白子天婦羅又唔腥喎, 仲有陣清甜味, 銀杏天婦羅就不得了, 原來日本銀杏食落無苦味, 同平時食果D白果又真係唔同
鯛魚湯: 一打開, 見到碗湯咁濃就知道係好嘢, 我諗佢係用咗勁多魚先可以煲到咁, 師傅仲話, 佢地只用鯛魚, 所以唔同一般雜魚湯
黑芝麻奶凍卷: 師傅話係佢地餐廳手工做, 芝麻 / 奶香 / 甜度都好平衝, 女朋友仲追加要多一件, 我自己就覺得一件餸茶, 啱啱好
食完後, 吃貨女友都好滿意, 話同OMAKASE 好唔同, 我就感覺到, 師傅好用心咁揀好多日本有名土產去做菜式, 雖然味道點都唔及當地, 但係可以o係一個地方, 食到咁多日本土產, 有海鮮, 有和牛, 有野菜, 已經值回票價. 另外, 第一次食割烹, 感覺真係無OMAKASE 咁悶, 唔同o既烹調方法, 更加食到食材該有o既味道, 埋單$980加一, 呢個價錢唔可以餐餐食, 但係當係去個日本小旅行都好, 希望快D 通關, 可以再去日本食爆佢!!
張貼
