芽莊越式料理 (已結業)

今日諗住可以同3個同事去依間店舖食個靚lunch, 一去到不知幾多人, 足足等左25 mins 都未有位, 於是諗住分開2個2個坐, 估唔到轉頭就有2個位, 咁我同另一位同事坐左先, 叫左2個today's special (春卷檬粉), 話都無咁快, 另外2位同事亦搭到檯(6 人位) 兼且叫左嘢食。前後都無5 mins, 那2位同事同檯2位客人走左, 於是佢哋叫我哋去坐, 在過去坐之前都有先問准其中一位男侍應, 佢亦好好人俾我哋換位。當我哋換左位無幾耐, 有個可惡女侍應竟然用英文大聲呼喝我哋：「You cannot sit here, go back to where you were !」我哋起初無理佢, 點知呢個可惡女侍應變本加厲, 對我哋呼喝兼手指指, 此舉引來在場人士注目。我終於忍無可忍, 同佢講：「係你同事俾我哋換位。」之後佢先至肯收聲行開, 連“sorry”都無聲。雖然啲嘢食的確唔錯, 但都無咩胃口食, 簡直成肚氣。真是激死人，一間餐廳無好的服務態度，再有幾好嘅嘢食都無用啦！！！請那位可惡女侍應睇下劉德華個廣告，學下待客之道。如果唔係, 啲客人會走晒。