Little Fresh Cafe & Bar (已結業)

同friend喺Times Square行完，肚餓想即刻食嘢就喺附近搵咗呢間Cafe～ 見OpenRice好評都好好就想去試吓！前菜係蒜蓉包配洋蔥湯好食嘅蒜蓉包一定要脆卜卜同好夠蒜香味，呢度嘅蒜蓉包完全做到！而且連埋好清新嘅洋蔥湯一齊蘸湯食一流！洋蔥湯煮到飲落暖笠笠，簡簡單單已經好好味 意大利蕃茄乾青醬雞肉意粉青醬味濃但唔會太漏，意粉軟硬適中。雞肉煎得好嫩，番茄乾酸酸哋吊味，酸酸甜甜嘅味好開胃，一啖一啖好快食晒😋 海岸豬肉梅扒豬扒厚身有咬口，啲邊位煎到少少脆咁，醬酸酸甜甜，食落會無咁滯～配菜薯蓉夠滑，加埋烤雜菜，分量夠飽肚！凍特濃朱古力朱古力味超濃，飲落似食緊溶咗嘅黑朱古力，甜度剛好，加冰飲冇咁膩！ 青檸薄荷梳打薄荷葉同青檸撈埋一齊好清新，酸味突出，甜度低似有少少氣嘅檸水。解膩一流，尤其襯返濃味主菜～人均二百幾唔會好貴，一個休閒想食Cafe嘅好選擇！