牧羊少年咖啡館 (葵青劇院)

營業中

休息中

姊妹生日，當然想搵個地方一邊慶祝生日、一邊吹水啦！我地3個女仔6:45一去就可以入去。我地揀左坐入面。一坐底就即係睇menu。我地係2人餐同4人餐之間揀左好耐，最後決定叫一個「大食四方」。個餐包括一個前菜、2個小食、2個主菜、1個pizza、1個甜品同4杯飲品。第一個係前菜，煙三文魚沙律。一般既煙三文魚沙律，不過不失。飲品我叫左洋甘菊茶。洋甘菊本身味道就唔係好重，岩我鐘意飲淡味飲品既人。我friend叫左「夏日的尾巴」。佢話超難飲😂小食我地就叫左串燒同雞翼。串燒：腸仔同雞肉都ok，但牛肉好硬雞翼：芝士醬好好食，唔太溜。好似我呢d對芝士一般既人就覺得ok主食就叫左漢堡扒飯同拿破侖意粉。因為我地掛住傾計，d面都乾曬，變得難食左。漢堡扒d汁太少啦！食落去好乾😑Pizza叫左千島海鮮pizza。好濃千島醬味，酸酸地，好開胃😋😋最後輪到甜品。唔太記得叫咩啦！中間既煉奶我冇點過淨係食雪糕同窩夫，仲有oreo成個晚餐我地食左2個幾鐘。主要係不停吹水。整體黎講，環境係唔錯。味道就一般般啦...服務都係一般般，叫埋單叫左幾次先有人理。想吹水既，呢間cafe都係一個唔錯既地方。