食之劇場餐廳 (已結業)

她約我去白沙灣👭 早幾日約咗朋友去西貢玩，夜晚去咗食餐好嘅，就嚟咗白沙灣碼頭酒店食omakase。我哋叫咗$800嘅Kumo Set。前菜三點 成個浦島太郎嘅盒咁，一打開就有煙出😛 准山、胡麻豆腐、松葉蟹甲羅燒，由淡味到濃味，慢慢準備好食之後嘅美食🤤刺身兩點 金目鯛、海膽，金目鯛肉質鮮嫩，海膽超鮮甜，而且非常creamy，好食到完全覺得唔夠食！子持魷魚 師傅介紹話呢款魷魚入面係有卵，而且師傅將佢哋煮到變啫喱狀咁，要剛剛好煮熟，又不能太熟，好考功夫。魷魚外層汁燒後惹味彈牙，中心就滑滑溜溜，兩種口感配搭起上嚟好過癮。(忘了係咩魚) 好特別，個魚係點草莓醬，酸酸甜甜咁，令本桃來燒香嘅魚肉增添層次。和牛烏冬 和牛薄切，剛好令你感受到入口嘅油香同溶溶哋嘅感覺🥰抹茶雪糕、馬卡龍、奈良草莓 三者不會過甜，馬卡龍味道濃郁，抹茶雪糕好滑，上面鋪上金箔，好靚啊！可惜草莓有少少酸😟需加一服務費，埋單2人約$1760。如果你鍾意睇我嘅食評，不妨關注我，支持吓我，謝謝你☺️💕