Gram Cafe & Pancakes

營業中

休息中

今日難得同好姊妹響尖沙咀行街，咁啱響The One經過我哋上次響大阪食過嘅Gram疏乎厘，所以就即刻入去試吓同日本有冇分別。當然唔少得叫招牌疏乎厘班戟（$138 ）三舊鬆軟嘅疏乎厘，加上蜜糖好好味！而家近聖誕仲加咗啲聖誕裝飾，打卡一流！呢度即叫即做嘅日本疏乎厘班戟，選用日本嘅雞蛋，加上牛奶攪拌而成嘅蛋白，經過低溫烘焙每塊pancake都可以好鬆軟，配上蜜糖或者係鮮忌廉，再加上牛油充滿咗疍香同鬆軟嘅口感，入口即溶而且呢度好好，因為我唔鍾意食cream，擺喺側邊就可以自己抉擇要加幾多👍另外再叫咗石板街班戟（$118）用咗自家製杏仁，加上朱古力製作而成，配上一層cream同埋一層custard，再加上朱古力醬同埋士多啤梨，呢個配搭幾相當好！雖然而家未去日本，但係都可以回味返日本嘅風味。