影片
更多
2012-08-28
141 瀏覽
呢個星期六約左去大角咀探親戚 , 於是入黎搵地方食 lunch ,同媽媽提議食越南菜 , 打開 openrice app 搜尋一番 , 本打算去一間細細地低消費又未試過 , 但得知細佬都一齊黎老爸又因為知道食越南菜而特登o係工作中抽時間過黎食咁一家四口, 當然去間舒適 d 闊落 d 又有裝潢體面 d o家啦 所以最後決定就黎左奧海城三期地下o既呢間 " 品越 "推開商場玻璃門 , 見到白色為主調o既品越 , 格局高雅 ,餐廳有部份係開放式 , 感覺上連屬於商場o既大水晶燈 , 都可以納入成品越o既裝潢之一 , 睇起黎份外貴麗堂煌 ~未知係咪星期六所以無 lunch set , 只有二人餐同四人餐我地睇過之後覺得 d set 唔算好抵又唔太 arm 食, 於是散叫1. 燒大蝦柚子沙律~ 大蝦燒得幾香 , 不過鞋左少少 , size 都 ok 大隻 , 柚子沙律得好少汁 , 好似食緊柚子撈乾蔥 , 腰果 , 好在柚子夠 juicy有 d 柚子無 meet 開晒 , 大大舊咁食 , 好香甜 , 膘果 一路食大家都幾滿意 , 直至見到一條不知名的毛 .....................
同媽媽提議食越南菜 , 打開 openrice app 搜尋一番 ,
本打算去一間細細地低消費又未試過 , 但得知細佬都一齊黎
老爸又因為知道食越南菜而特登o係工作中抽時間過黎食
咁一家四口, 當然去間舒適 d 闊落 d 又有裝潢體面 d o家啦
所以最後決定就黎左奧海城三期地下o既呢間 " 品越 "
推開商場玻璃門 , 見到白色為主調o既品越 , 格局高雅 ,
餐廳有部份係開放式 , 感覺上連屬於商場o既大水晶燈 ,
都可以納入成品越o既裝潢之一 , 睇起黎份外貴麗堂煌 ~
未知係咪星期六所以無 lunch set , 只有二人餐同四人餐
我地睇過之後覺得 d set 唔算好抵又唔太 arm 食, 於是散叫
1. 燒大蝦柚子沙律~ 大蝦燒得幾香 , 不過鞋左少少 , size 都 ok 大隻 ,
柚子沙律得好少汁 , 好似食緊柚子撈乾蔥 , 腰果 , 好在柚子夠 juicy
有 d 柚子無 meet 開晒 , 大大舊咁食 , 好香甜 , 膘果
一路食大家都幾滿意 , 直至見到一條不知名的毛 ........................ !!
值得一讚o既係有位應該係經理級o既主動埋黎了解 ,
佢提送飲品或比返個 discount 我地 , 不過最後決定 cancel 左呢碟沙律佢
2. 香芒軟蟹米紙卷~ 特別在比起平時食到o既 , 加入左芒果 , 味道更有層次
除左青瓜o既清爽 ,軟殼蟹o既香脆 , 仲多左一份芒果o既香甜
米紙柔軟得黎帶少許煙韌 , 口感味道皆不錯 ~
3. 脆皮蝦卷撈檬~ 本身媽媽係想食越式春卷檬 , 但竟然無 .... 唯有試下呢個
脆皮蝦卷係腐皮夾住蝦膠黎炸 , 幾特別 , 但可惜蝦膠部份紙咁薄
就咁食可以話除左油之外無其他味 , 明明應該可以做到外脆內彈牙家嘛
檬粉混左青瓜絲甘荀絲 , 撈埋魚露一齊食 , 幾清新 , 但魚露味道只係一般
加上檬粉太過碎 , 難以夾起 , 整體要改善o既地方實在太多 ><"
4. 品越牛肉湯河粉 ~ 河粉好似金邊粉咁 , 幼身而且較硬 , 牛骨湯幾香幾清甜 ,
配料有生牛肉片 , 牛腩 , 牛展 , 全部都唔錯 , 唔會太韌 ,
特別係牛展 , 甘香軟綿 , 牛腩切成一片片 , 同樣適當的淋身
大量o既洋蔥 , 蔥花 , 芽菜 , 金不換 , 更能令成碗河粉散發香氣
5. 品越特色串燒拼盆~ 牛肉串 , 豬頸肉串 , 雞肉串各兩串 , 扎蹄同扎肉各三片
份量比想像中多 , 調味全部一樣 , 少少似重慶燒 , 有 d 孜然粉o係面 ,
肉質全部都不過不失 , 豬頸肉最為出名 , 薄片得黎好爽口 ,
扎蹄幾香軟 , 不過中間 d 黑椒粒咬中左有 d 辣 , 相比之下扎肉無乜味
6. 濱海併香茅豬扒~ 係我食過最唔掂o既濱海 , 成餅野咁 ... 好似食緊粉皮一樣 ,
一 d 都無濱海o個種幼滑分明 , 魚露唔突出 , 口感奇怪 ,
呢客濱海o既關鍵已經唔合格 , 豬扒炸起, 熱辣辣 , 都有香茅味o既
但因為佢同個串燒一齊上 .... 食起黎 , 好多肉 @@' 食到膩 ....
7. 蒜蓉包~ $ 21 有五塊 , 香脆可口 , 烘得金黃 ,牛油蒜蓉味好香好好味 !!
## 家人一向對越南菜有所要求 , 由其是爸爸 , 佢話唔掂 ... 我都會比 OK ,佢 D 野唔算係好差 , 但見到咁o既包裝咁o既陣容 , 應該要做得更好
最唔希望就係比人感覺得個樣 .... 金玉其外之餘 , 亦需注意內涵o既 ~
題外話/補充資料：
[u][/u]其他用餐以外的補充資料、著數用餐優惠、菜式參考資料甚至飯後有感而發不吐不快？請將食評以外的「題外話/補充資料」放在這裡。
(以上食評乃用戶個人意見 , 並不代表OpenRice之觀點。)
張貼
